தொழில்கள்

பணத்திற்காக தொழில் செய்வது நகரத்தில் வசிப்பவர்களின் வழக்கம் .

நகர வாசிகள் மட்டுமின்றி நாடு முழுவதும் வசிப்பவர்களின் வயிற்றின் தேவையை பூர்த்தி செய்யும் அத்தியாவசியமான தொழில் விவசாயம் . கிராமத்திற்கு மட்டுமே உரிய ஒரு மிகப் பெரிய பெருமை விவசாயம் .மத்திய அரசின் 100 நாள் வேலைத்திட்டம் . நம் மக்களுக்கு நூதனமாக தொழல் வளர்ச்சியை பெருக்கியது . மக்களின் பண அத்தியாவசியத்தை புரிந்து பகுத்தறிவோடு தீட்டிய இந்த திட்டம் மக்களின் 100 ஆண்டு ஆயுள் திட்டமாக விளங்குகிறது .

உள்நாட்டில் மட்டுமல்ல எங்கள் மக்களின்திறமை அயல்நாட்டிலும் உணரப்பட்டுள்ளது . வெளிநாட்டில் சென்று அவர்களின் தேவைகளையும் பூர்த்தி செய்யும் திறமை எங்கள் மக்களு்க்கும் உள்ளது . இதுவும் எங்கள் மக்களின் பொருளாதார வளர்ச்சியை கூட்டுகிறது .

சுயத்தொழில் செய்வது சுலபமன்று , சுயலாபம் எதிர்பார்ப்பது மட்டுமின்றி சுயநலம் விலக்கி விலைவாசியை அமைத்து தொழில் செய்வது , எங்கள் மக்களின் நம்பிக்கையின் குறியேடு . மக்களை நம்பும் மக்கள் . இதுதான் எங்கள் கிராம வாசிகளின் சுயத்தொழில் தந்திரம் .

கிராம மக்களின் முக்கியத் தொழிலாகக் கருதப்படுவது விவசாயம். இரண்டில் ஒரு பகுதி மக்களின் வசிப்பிடத்திற்க்கும், மற்றொரு பகுதி விவசாயத்திற்கும் பயன்படுத்தப் படுகிறது. மண்ணில் விளைவிக்கப் படும் முக்கிய விளைச்சல்கள்

நெல்,
உளுந்து,
நிலக்கடலை,
சோளம்,
கரும்பு,
எள்
மற்றும் சில
பயறு வகைகள் ஆகும்.
மேலும் விவசாயத்தின் ஒரு பகுதியாக தென்னை மற்றும் வாழையும் இம்மண்ணில் விழைக்கப்படுகிறது.

நிலத்தடி நீர், ஆறு, குளம் ஆகியவை விவசாயத்திற்கு முக்கிய நீர் பாசனமாக பயன்படுத்தப் படுகிறது. விளைச்சலுக்கு பெரும்பாலும் இயற்க்கை உரமே பயன்படுத்தப் படுகிறது. மாடு மற்றும் உழவு எந்திரங்கள் ஏர் செய்வதற்கு பயன்படுத்தப் படுகிறது. கிராம மக்கள் விவசாய அலுவலரின் ஆலோசனை கேட்டறிந்து விவசாயம் செய்கிறார்கள்.


தமிழகத்தின் தென்னை ஆராய்ச்சி நிலையம், வேப்பங்குளம் (Coconut Research Station, Veppankulam) ஆலம்பள்ளத்திலிருந்து 1கி.மீ தொலைவில் அமைந்துள்ளது.

-----------------------------------------------------------------------------------------------------------------------------------
விவசாயம் பற்றிய தகவல் :

ஆமணக்கு ஒய்.ஆர்.சி.எச்.1:

நவீன தொழில்நுட்பம்

பதிவு செய்த நாள் : ஜூலை 13,2011 

மரவள்ளி மற்றும் ஆமணக்கு ஆராய்ச்சி நிலையம் சேலம் மாவட்டம் ஏத்தாப்பூரில் அமைந்துள்ளது. இந்த ஆராய்ச்சி நிலையத்திலிருந்து ஒய்.ஆர்.சி.எச்.1 என்ற வீரிய ஒட்டு ஆமணக்கு 2009ம் ஆண்டு வெளியிடப்பட்டுள்ளது. குறை வான வயது உடையதால் மானாவாரிக்கும், பாசனநீர் பற்றாக்குறை உள்ள பகுதிகளுக்கும் மிகவும் ஏற்றது.
150-180 நாட்கள் வயதுஉடையது. அதிக கிளைப்பு, நடுத்தர உயரம், அதிக விளைச்சல். மானாவாரியில் எக்டருக்கு 1860 கிலோவும் இறவையில் 3500 கிலோவும் கொடுக்கவல்லது. காய் குலைகளில் பெண் பூக்களின் அளவு 95 சதவீதத்திற்கு மேல் இருக்கும். செடிகள் சாயாத, காய்கள் வெடிக்காத தன்மையைக் கொண்ட, அதிக உரமேற்கும் திறனும் கொண்டவை.
குறுகிய கால இடைவெளியில் அதிக குலைகள் (40-50) ஒரு செடிக்கு வைக்கும் பண்புடையது. செடியின் உயரமும் கிளைகளின் நீளமும் குறைவாக உள்ளதால் ஊடுபயிர் சாகுபடிக்கு ஏற்றது. குறைவான வயதுடைய காரணத்தினால் தமிழகத்தில் ஆடிப் பட்டத்தில் சாகுபடி செய்யும்போது காய் அழுகல் நோய் தாக்குதல் குறைவாக உள்ளது. குறைவான பச்சை தத்துப்பூச்சி மற்றும் வெள்ளை ஈ தாக்குதல், காய்ப்புழுவுக்கு மிதமான எதிர்ப்புத்திறன் உடையது. நல்ல வடிகால் வசதியுடன் கூடிய கார, அமிலத்தன்மையற்ற வண்டல், செம்மண் நிலங்கள் மிகவும் உகந்தவை. வெப்பநிலை 20 டிகிரி முதல் 32 டிகிரி செல்சியஸ் வரை நல்ல பலனைத் தரக்கூடியது. வெப்பநிலை அதிகமானால் ஆண்பூக்கள் அதிகம் தோன்றி விளைச்சல் குறையும். மழைஅளவு 750மி.மீ. அளவு ஆண்டுக்கு இருக்க வேண்டும். நீர் தேங்கி நிற்கும் நிலத்தில் பயிர் செய்வதை தவிர்க்க வேண்டும்.
மானாவாரியில் ஜூன் - ஜூலை (ஆடிப்பட்டம்) இறவை - ஜூன் - ஜூலை (ஆடிப்பட்டம்), நவம்பர் - டிசம்பர் (கார்த்திகைப்பட்டம்) ஆகிய பட்டத்தில் 90 து 60 செ.மீ. இடைவெளியில் இறவையில் 120 து 90 செ.மீ. இடைவெளியிலும் பயிரிடலாம். ஒரு கிலோ விதைக்கு கார்பண்டாசிம் 2 கிராம் கலந்து 24 மணி நேரம் கழித்து விதைக்க வேண்டும். டிரைகோடெர்மா விரிடி உயிர்ப்பூசணம் ஒரு கிலோ விதைக்கு 4 கிராம் வீதம் கலந்து விதையை நேர்த்தி செய்ய வேண்டும். விதையினை 10 மணி நேரம் தண்ணீரில் ஊறவைத்து விதைத்தால் முளைப்புத்திறன் அதிகரிக்கும். குத்துக்கு ஒரு விதை விதைக்க வேண்டும்.
இறவையில் எக்டருக்கு 12.5 டன் தொழு உரமும், 60:30:30 கிலோ தழைச்சத்து, மணிச்சத்து, சாம்பல் சத்து இடவேண்டும். அதாவது 30:30:30 கிலோ உரங்களை அடியுரமாகவும், மீதமுள்ள 30 கிலோ தழை உரத்தை 2 தவணைகளாகப் பிரித்து 30வது நாளும், 60வது நாளும் இடவேண்டும். மானாவாரியில் 45:15:15 கிலோ தேவைப்படும். 30:15:15 கிலோவை அடியுரமாகவும், மீதமுள்ள 15 கிலோ தழைச்சத்தை மேலுரமாக மழை கிடைக்கும் போது 40-60 நாட்களுக்குள் இடவேண்டும். நீர் நிர்வாகம்: விதைத்தவுடன் ஒரு முறையும், உயிர்த் தண்ணீருக்கு பின் மண்ணின் தன்மைக்கு ஏற்ப 10-15 நாட்கள் இடைவெளியிலும் நீர்ப்பாசனம் செய்ய வேண்டும். நீர் நிலத்தில் நீண்டகாலத்திற்கு தேங்காமல் பார்த்துக்கொள்வது அவசியம்.
இரண்டு விதை முளைத்த இடத்தில் 10-15வது நாளில் ஒரு செடியை அகற்ற வேண்டும். முளைக்காத இடத்தில் மீண்டும் விதைத்து பயிர் எண்ணிக்கையை பராமரிக்க வேண்டும். விதைத்த 3 நாட்களுக்குள் புளூகுளோரலின் ஏக்கருக்கு 800 மிலி அல்லது பெண்டிமெதிலின் 1300 மிலி தெளித்து களைகளைக் கட்டுப்படுத்தலாம். விதைத்த 20, 40வது நாளில் கைக்களை எடுக்க வேண்டும். ஆமணக்கில் இலைப்புழுக்கள் (காவடிப்புழு, புரோடீனியா, கம்பளிப்புழுக்கள்), சாறு உறிஞ்சும் பூச்சிகள் (தத்துப்பூச்சி, சிவப்பு சிலந்தி பூச்சி), காய்ப்புழுக்கள் அதிக சேதத்தை ஏற்படுத்துகின்றன. தகுந்த பயிர் பாதுகாப்பு நடவடிக்கைகளை மேற்கொள்ள வேண்டும். (தகவல்: சா.ரா.வெங்கடாசலம், வீ.பழனிச்சாமி, கு.செல்வராணி, பயிர் பெருக்கம் மற்றும் மரபியல் வேளாண் விரிவாக்கம், மரவள்ளி மற்றும் ஆமணக்கு ஆராய்ச்சி நிலையம், ஏத்தாப்பூர், சேலம். 94432 10883.

---------------------------------------------------------------------------------------------------------------------------------

வேலிமசால் :

பதிவு செய்த நாள் : ஜூலை 13,2011

தென்னை மரங்களுக்கு இடையே ஊடுபயிராக கால்நடை தீவனமான ""வேலிமசால்'' பயிரிடலாம். கால்நடை தீவனமாக புல்வகையை சேர்ந்த வேலிமசால் பயன்படுகிறது. இதற்கு டிவிடிவி, கூவாப்புல், வேலிபுல் என பல பெயர் உள்ளது. விதை விதைத்த நான்காவது நாளில் செடி துளிர்த்துவிடும். தென்னைக்கு காட்டும் தண்ணீரே காட்டினால் போதுமானது. விரைந்து வளரக்கூடிய இந்த புல் செடியை வெட்டி கால்நடைகளுக்கு தீவனமாக கொடுக்கலாம். கால்நடைகளுக்கான தீவனம் குறைந்து வரும் இவ்வேளையில் இதுபோன்ற செடிகள் நல்ல லாபத்தை விவசாயிகளுக்கு ஈட்டித்தருகிறது. ஐந்தாண்டு வரை இந்த செடியிலிருந்து இலைகளை அறுக்கலாம். செடியில் பச்சையம் சத்து அதிகளவு உள்ளதால் கால்நடைகளுக்கு மட்டுமல்ல, தென்னை மரத்துக்கு உரமாகவும் பயன்படுத்தலாம். செடியின் ஒரு கிலோ விதை 650 ரூபாய்க்கு விற்கப்படுகிறது. இதன்மூலமும் நல்ல வருவாய் கிடைக்கும். தென்னை, பாக்கு, வாழைகளுக்கு இடையே இதை ஊடுபயிராக பயிரிடலாம்.
இரும்புக்கலப்பை கொண்டு இரு முறையும், நாட்டுக்கலப்பை கொண்டு மூன்று அல்லது நான்கு முறையும் உழவேண்டும். பார் பிடித்தல் 6 மீ நீளம் மற்றும் 1 மீ இடைவெளியில் பார் பிடித்து பார் களுக்கிடையில் வாய்க்கால்களை அமைக்க வேண்டும். மண் பரிசோதனையின்படி உரமிட வேண்டும். மண் பரிசோதனை செய்யாவிடில் (எக்டருக்கு) அடியுரமாக 10:60:30 கிலோ தழை, மணி, சாம்பல் சத்து இடவும்.
விதை அளவு - தீவனத்திற்கு எக்டருக்கு 10 கிலோ.
அமில நேர்த்தி: விதைகளை அடர் கந்தக அமிலத்தில் மூன்று நிமிடம் ஊறவைத்து விதைகளை நன்கு கழுவிய பின் குளிர்நீரில் இரவு முழுவதும் ஊறவைக்க வேண்டும். அல்லது விதைகளை வெந்நீரில் நான்கு நிமிடம் ஊறவைத்து பின் குளிர்நீரில் இரவு முழுவதும் ஊறவைக்க வேண்டும். மேலும் எளிய முறையாக பாத்திரத்தில் நீரை 1000 செ.கி.க்கு கொதிக்கவைத்து பின் 4 நிமிடம் ஆறவைத்து (800 செ.கி) விதைகளை 3-4 நிமிடம் ஊறவைக்க வேண்டும். அடுத்து சூடான நீரை வடித்துவிட்டு குளிர்ந்த நீரில் இரவு முழுவதும் ஊறவைக்க வேண்டும். விதைகளை 72 மணி நேரம் குளிர்ந்த நீரில் ஊறவைத்தும் வைக்கலாம். விதைநேர்த்தி செய்தபின் ரைசோபியம் உயிர் உரத்தை அரிசிக்கஞ்சியில் கலந்து காயவைத்தபின் விதைக்க வேண்டும்.
நீர் மேலாண்மை: பாசன பகுதிகளில் வளர்க்கப்படும் பயிர்களுக்கு நீர் மேலாண்மை செய்திட வேண்டும். வளர்ச்சியடைந்துவிட்டால் சில மாதங்களின் வறண்ட சூழ்நிலையையும்கூட தாக்குப்பிடித்து விடும். இருந்த போதிலும் விரைவான இளஞ்செடிகளின் வளர்ச்சிக்கு நிலத்தில் 5 முதல் 6 மாதங்கள் வரை ஈரம் இருக்குமாறு பார்த்துக்கொள்ள வேண்டும்.
அறுவடை: நட்டபின் 6 மாதத்திற்கு பிறகு அறுவடை செய்யலாம். தண்டின் விட்டம் 3 செ.மீ. அடைந்தவுடன் (அல்லது) ஒருமுறை விதை உற்பத்திக்கு விட்டவுடன் முதல் அறுவடை செய்யலாம். அதற்கு பிறகு 40-80 நாட்களில் வளர்ச்சி மற்றும் பருவத்திற்கேற்ப அறுவடை செய்யலாம். வறட்சி அதிகமுள்ள பகுதிகளில் மரத்தை இரண்டு முதல் மூன்று வருடத்திற்கு அறுவடை செய்யாமல் விட்டுவிட வேண்டும். மரத்தை தரைமட்டத்திலிருந்து 90-100 செ.மீ. உயரம் விட்டு அறுவடை செய்ய வேண்டும். பூட்டு மற்றும் எரிபொருளாக பயன்படுத்த மரத்தை 2.5 அல்லது 5 வருடத்திற்கு வெட்டாமல் பக்கக்கிளைகளை அகற்றிவிட வேண்டும். தொடர்புக்கு: ஆர்.ஜி.ரீஹானா, அக்ரி கிளினிக், 268/77, பழைய ஹவுசிங் யூனிட், தாராபுரம்-638 657.

 

--------------------------------------------------------------------------------------------------------------

வில்வேகம் - உயிர்ம பூச்சிக்கொல்லி :

பதிவு செய்த நாள் : ஜூலை 13,2011

வில்வ மரத்தின் பாகங்களில் இயல்பாகவே பூச்சிக்கொல்லி ஆற்றலும், பூஞ்சை எதிர்ப்புத் தன்மையும் உள்ளன. இந்தியாவில் இது இயல்பாக வளர்ந்து காணப்படுவதுடன் காலங்காலமாக மருத்துவம் மற்றும் ஆன்மிக முக்கியத்துவம் பெற்று விளங்குவதாலும் இதன் பூச்சிக்கொல்லி ஆற்றலை ஆராய முற்பட்டதன் விளைவாக, ஆச்சரியமூட்டும் உண்மைகள் கண்டறியப்பட்டுள்ளன. இலை களில் இருந்து பிரித்தெடுக்கப்படும் முக்கிய எண்ணெய்கள், தானியக் கிடங்கில் உள்ள பூச்சிகளை கட்டுப் படுத்த வல்லவை. இப்பட்டையில் உள்ள இரண்டாம் நிலை வளர்சிதை மாற்றக் காரணிகள், வீட்டு ஈ மற்றும் கடுகு வண்டு ஆகியவற்றுக்கு எதிரான தன்மைகளை கொண்டுள்ளது. இதேபோல் கொசு விரட்டும் திறனும் கண்டறியப்பட்டு இருக்கிறது.
வில்வ விதைகளில் இருந்து பெட்ரோலியம் ஈதரைப் பயன்படுத்தி எண்ணெய் பிரித்து எடுக்கப்பட்டது. இதனை ஆய்வகச் சூழலில் வனமர இலை உண்ணிகளுக்கு எதிராக பயன்படுத்திப் பார்த்ததில், சாதகமான விளைவுகள் காணப்பட்டன. பின்னர் இதனை ஆய்வகம் மற்றும் நாற்றங்கால்களிலும் சோதிக்கப் பட்டது. அதற்குப்பிறகு தமிழகம் மற்றும் கேரளா மாநிலங்களில் தனித்தனியே புறச்சோதனைகள் செய்யப்பட்டன. இவற்றின் ஆய்வுமுடிவுகள் மூலம் வில்வ விதைகளில் இருந்து பிரித்து எடுக்கப்பட்ட எண்ணெய், தேக்கு நாற்றுகளைத் தாக்கி அழிக்கும் இலையுண்ணிகளுக்கு எதிராக செயல்படும் திறன்மிகுந்த உயிர்ம பூச்சிக்கொல்லியாக பயன்படுத்த வல்லது என கண்டறியப்பட்டது. குறிப்பாக தேக்கு செடிகள் மற்றும் இள மரங்களைத் தாக்கும் இலையுண்ணி பெருத்த பொருளாதார சேதத்தை ஏற்படுத்தக் கூடியது. நாற்றங்கால்களிலும் இளவயதுஉடைய மரங்களிலும் முற்றிலுமாக இலைகளைத் தின்றுவிடும் அபாயம் உள்ளது. இவை மரங்களைக் கொன்றுவிடுவதில்லை. மாறாக, மரத்தின் வளர்ச்சி விகிதத்தைக் கடுமையாக பாதிக்கிறது. இந்தியாவின் அனைத்து தேக்கு தோப்புகளையும் தாக்கும் வல்லமை கொண்டவை இவை. ஒரு ஆண்டில் எப்போது தாக்கும் என ஊகித்து அறிய இயலாதவை. சராசரியாக இலையுண்ணிகளால் ஏற்படும் சேதாரம் ஒரு மரத்திற்கு 5.23 கன அடி என கண்டறியப்பட்டு உள்ளது. மொத்த வெட்டு மர அளவில் 30-40'' இழப்பு ஏற்படுத்தக் கூடியது. எனவே இந்த இலையுண்ணிகளை கட்டுப்படுத்துவது மர சாகுபடியாளர்களுக்கு இருந்துவரும் மிகப்பெரிய சவாலாகும். இந்நிலையில் இந்நிறுவனத்தில் வில்வ உயிர்ம பூச்சிக்கொல்லி கண்டறியப்பட்டது இதற்கு ஒரு வரமாக வாய்க்கப் பெற்றுள்ளது. 
தொடர்பு: இயக்குனர், வன மரபியல் மற்றும் மரப்பெருக்கு நிறுவனம், கோவை, 0422-248 4100.
-கே.சத்தியபிரபா, உடுமலை. 


--------------------------------------------------------------------------------------------------------------


Comments